ՀՀ նոտարական պալատի անդամ, նոտարական գործունեության ոլորտում ԱՊՀ երկրների Բազային կազմակերպության հասարակական խորհրդի անդամ Գայանե Ազարյանը մասնակցել է կազմակերպության նախաձեռնած վեբինարին: Հերթական վեբինարի ընթացքում ԱՊՀ երկրների նոտարական համայնքների ներկայացուցիչները քննարկել են ընդհանուր համատեղ սեփականություն հանդիսացող գույքի ժառանգության և ժառանգական պլանավորման հետ կապված մի շարք հարցեր:

Վեբինարի ընթացքում ԱՊՀ երկրների նոտարները ներկայացրել են իրենց երկրներում համատեղ սեփականություն հանդիսացող գույքի ժառանգման հետ կապված իրավակարգավորումների և նոտարական պրակտիկայի առանձնահատկությունները:

Թեմայի վերաբերյալ զեկույցով է հանդես եկել ՀՀ նոտարական պալատի անդամ Գայանե Ազարյանը՝ ներկայացնելով ընդհանուր համատեղ սեփականություն հանդիսացող գույքի ժառանգման օրենսդրական կարգավորումները Հայաստանի Հանրապետությունում: Գայանե Ազարյանն անդրադարձ է կատարել ընդհանուր համատեղ սեփականության իրավական սահմանմանը, նման գույքի ժառանգման առանձնահատկություններին և ամուսինների գույքային իրավունքների պաշտպանությանը։