Հոդվածը նվիրված է միջազգային տարր պարունակող ժառանգական գործի վերլուծությանը։ Հեղինակները կոնկրետ օրինակով ներկայացնում են, թե ինչպես է որոշվում կիրառելի իրավունքը, ինչպես է ձևակերպվում ժառանգության իրավունքը Ֆրանսիայում և Հայաստանում, ինչ հարկային հետևանքներ են առաջանում ժառանգների համար և այլ հարցեր:

Հոդվածում մանրամասն ներկայացված են ֆրանսիական, եվրոպական և հայկական իրավակարգավորումների փոխգործակցությունը, ժառանգության հարկման կանոնները, Հայաստանում գտնվող անշարժ գույքի ժառանգման առանձնահատկությունները: Առանձնահատուկ անդրադարձ է կատարվել ՀՀ օրենսդրությամբ նախատեսված ժառանգության պարտադիր բաժնի իրավունքին և միջազգային ժառանգական հարաբերություններում կտակային կարգադրությունների կատարման խնդիրներին և հնարավոր պրակտիկ լուծումներին։