www.e-notary.am

ՀՀ ՆՈՏԱՐԱԿԱՆ ՊԱԼԱՏՈՒՄ ՀՅՈՒՐԸՆԿԱԼՎԵԼ ԵՆ ՀՀ ՓԱՍՏԱԲԱՆԱԿԱՆ ԱԿԱԴԵՄԻԱՅԻ ՆԱԽԱՊԱՏՐԱՍՏԱԿԱՆ ԴԵՊԱՐՏԱՄԵՆՏԻ ՈՒՍԱՆՈՂՆԵՐԸ

ՀՀ ՆՈՏԱՐԱԿԱՆ ՊԱԼԱՏՈՒՄ ՀՅՈՒՐԸՆԿԱԼՎԵԼ ԵՆ ՀՀ ՓԱՍՏԱԲԱՆԱԿԱՆ ԱԿԱԴԵՄԻԱՅԻ ՆԱԽԱՊԱՏՐԱՍՏԱԿԱՆ ԴԵՊԱՐՏԱՄԵՆՏԻ ՈՒՍԱՆՈՂՆԵՐԸ

27/10/2026

ՀՀ փաստաբանական ակադեմիայի նախապատրաստական դեպարտամենտի «Փաստաբանական վարպետություն» ուսումնական ծրագրի ուսանողները՝ Ակադեմիայի ռեկտոր Արա Զոհրաբյանի ուղեկցությամբ, այցելել են ՀՀ նոտարական պալատ։ Ուսանողները շրջել են Պալատում, ծանոթացել ՀՀ նոտարական պալատի գործունեության բնույթին և աշխատանքների կազմակերպման սկզբունքներին։

ՀՀ նոտարական պալատի աշխատակազմի ղեկավար Հայարփի Հայրապետյանը ՀՀ փաստաբանական ակադեմիայի ուսանողներին ներկայացրել է նոտարի դերն իրավական համակարգում, նոտարի գործունեության առանձնահատկությունները, նոտարական ծառայությունները, նոտարի իրավասությունների և պատասխանատվության շրջանակը, ինչպես նաև նոտարին ներկայացվող մասնագիտական պահանջները։

Հանդիպումն անցել է ակտիվ հարցուպատասխանի և քննարկումների ձևաչափով։