Հարգելի՛ հայրենակիցներ,

ՀՀ նոտարական համայնքի անունից շնորհավորում եմ Սահմանադրության և պետական խորհրդանիշների օրվա առթիվ:

Սահմանադրությունը մեր ազգային ինքնության ու պետականահեն ինքնիշխանության խորհրդանիշն է, որը նաև հանդիսանում է օրենքի գերակայության երաշխիքը: Սահմանադրության ընդունումը դարձավ անկախ պետականություն ունենալու մեր դարավոր երազանքի իրավական ամրագրումը: Այն սահմանեց մեր պետության հիմքերը՝ իրավական, ժողովրդավարական և սոցիալական արժեքների վրա և որպես գերակա սկզբունք՝ ամրագրեց մարդու և քաղաքացու իրավունքներն ու ազատությունները:

ՀՀ նոտարական համայնքն իր մասնագիտական բարձր պատասխանատվությամբ շարունակելու է կարևոր դեր ունենալ պետության իրավական համակարգի կայացման գործում՝ մշտապես լինելով իրավական պետության կայացման առաջնագծում և հավատարիմ լինելով Մայր օրենքի տառին և ոգուն։ Մենք վստահ ենք, որ Սահմանադրության բացարձակ արժևորումն ու նվիրվածությունը սահմանադրական արժեքներին Հայաստանի Հանրապետության կայուն զարգացման երաշխիքն են: