ԹԵԺ ԳԻԾ

+374 43 555 772

Տեղեկատու » ԶԼՄ-ները մեր մասին » Ովքեր են ստորագրում կույրերի փոխարեն

Ովքեր են ստորագրում կույրերի փոխարեն

01/02/2013

Ինչպես վարվել, եթե ֆիզիկական արատի պատճառով չեմ կարող ստորագրել նոտարին ներկայացված կտակը:
 
Հասմիկ Հարությունյան

Կենտրոն տարածքի նոտար.

- ՀՀ օրենսդրությամբ սահմանված է հատուկ կարգ այն անձանց համար, ովքեր ֆիզիկական արատի, անգրագիտության կամ որոշակի հիվանդությունների պատճառով չեն կարող ստորագրել փաստաթուղթը:

Այդ դեպքում գործարքն իրականացվում է ի տեղի ստորագրողի միջոցով. հրավիրվում է մեկ այլ անձ, ով անձամբ ստորագրել չկարողացող քաղաքացու փոխարեն ստորագրում է: Տվյալ փաստաթղթի վրա պարտադիր նշվում են ի տեղի ստորագրողի տվյալները, նա հատուկ զգուշացվում է նոտարական գաղտնիքը պահպանելու վերաբերյալ:

Քաղաքացու խնդրանքով նման գործարքին կարող են մասնակցել նաև վկաներ, քանի որ ինքն անձամբ չի ստորագրում այդ փաստաթուղթը:

Իսկ ինչ վերաբերում է ի տեղի ստորագրողի պատասխանատվությանը, ապա տվյալ գործարքով նա որևէ պատասխանատվություն չի կրում: Նա պատասխանատու է միայն նոտարական գաղտնիքը պահպանելու համար:

Ի տեղի ստորագրողի ինստիտուտի կիրառումը մի փոքր այլ է կույրերի և անգրագետ անձանց դեպքում:

Բոլոր դեպքերում, երբ վավերացվող փաստաթուղթը գործարքի բնույթ է կրում, նոտարը պարտավոր է ծանոթացնել քաղաքացուն, որպեսզի նրան պարզ լինի, թե ինչի տակ է ստորագրում: Առավել ևս, երբ փաստաթուղթը ստորագրվում է կույր քաղաքացու կողմից, նրան բարձրաձայն մանրամասն պետք է բացատրվի այդ գործարքի էությունն ի տեղի ստորագրողի և վկաների ներկայությամբ, ովքեր նույնպես ստորագրում են փաստաթուղթը:

Այնուհետև նոտարը վավերացնում է գործարքը՝ միևնույն ժամանակ վավերացնելով այդ անձանց ստորագրությունների իսկությունը:


Հեղինակ: ,Փաստինֆոե

E-NOTARY.AM
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԷԼԵԿՏՐՈՆԱՅԻՆ ՆՈՏԱՐ ՀԱՄԱԿԱՐԳ
MOJ.AM
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅՈՒՆ
DATALEX.AM
ԴԱՏԱԿԱՆ ՏԵՂԵԿԱՏՎԱԿԱՆ ՀԱՄԱԿԱՐԳ
ARLIS.AM
ՀԱՅԱՍՏԱՆԻ ԻՐԱՎԱԿԱՆ ՏԵՂԵԿԱՏՎՈՒԹՅԱՆ ՀԱՄԱԿԱՐԳ
E-REGISTER.AM
ԻՐԱՎԱԲԱՆԱԿԱՆ ԱՆՁԱՆՑ ՊԵՏԱԿԱՆ ՌԵԳԻՍՏՐԻ ԷԼԵԿՏՐՈՆԱՅԻՆ ՀԱՄԱԿԱՐԳ
ՀԱՃԱԽԱԿԻ ՏՐՎՈՂ ՀԱՐՑԵՐ ՀԱՃԱԽԱԿԻ ՏՐՎՈՂ ՀԱՐՑԵՐ